POSLJEDNJI ISPRAĆAJ DAMIRA KOŠUTE U ROŽAJAMA

POSLJEDNJI ISPRAĆAJ DAMIRA KOŠUTE U ROŽAJAMA

35597
0
PODIJELITE
Damir Košuta

Rodbina, prijatelji, sugrađani i fubaleri FK „Petrovac“ prisustvovali su posljednjem ispraćaju mladog Rožajca Damira Košute, koji je tragično izgubio život u saobraćajnoj nesreći koja se dogodila u mjestu Grbalj kod Tivta.

Muk, tuga i nevjerica vladali su od momenta kada se čula vijest o tragičnoj saobraćajnoj nesreći koja je kao grom iz vedra neba pogodila sve one koji su poznavali Damira Košutu (22), uzornog mladića i sportistu, koji je igrao za FK „Petrovac“ i upravo se toga kobnog dana sa svojim saigračima vraćao sa treninga iz Kotora prema Podgoroci.

Sa Dzenaze

Sudbina je odabrala baš njega,  ugašena je jedna mladost a ostala je priča o neizmjernom poštenju, vaspitanju i harizmi kojom je zračio naš Damir. Rodbina, sugrađani, prijatelji i svi oni koji su ga poznavali kroz njegovu fudbalsku karijeru gdje, je svojim hitrim i spretnim manevrima, igru uvijek vodio naprijed, utakmicama dajući posebnu čar, danas su prisustvovali njegovom ispraćaju na vječni svijet.

Sportski i fer se ponašao Damir i van fudbalskog terena u komunikaciji i druženju sa prijateljima i kolegama, uvijek vedar, nasmijan i nesebično spreman da pomogne svakome za koga bi osjetio da mu je pomoć potebna. No, Uzvišenom Gospodaru je bio miliji, a čini se da su predskazanje Božje milosti i prst sudbine vodili Damira, pa je za svoje 22 godine, postigao kao za nečijih pedeset i više.

Fudbaleri FK Petrovac

Posljednjem ispraćaju između ostalih, prisustvovali su trener i kolege-saigrači FK „Petrovac“ gdje je Damir igrao u posljednje vrijeme. Tuga i suze bilo je sve što se moglo vidjeti na licima Damirove raje, koji su željeli da što duže ostanu uz svježu humku koja kao vječiti svjedok jedne mladosti ostala iza njih.

Damir Košuta

Ostaje nam da se na najlepši način sjećamo Damira i da ga u spominjemo u najljepšem svjetlu kako i zaslužuje, a kao Rožajci, da se zahvalimo svima koji su u ovim teškim trenucima, sa svih strana Crne Gore i inostranstva, došli da podijele bol sa roditeljma, rodbinom i svim Rožajcima koji su Damrov odlazak doživjeli kao svoj lični i nenadoknadivi gubitak.

Neka milost Svevišnjega Gospodara bude nagrada našem Damiru.

Amin!

RT

NEMA KOMENTARA

OSTAVITI ODGOVOR